Соопштение на Индекс.мк, откако лидерот на ВМРО ДПМНЕ, Христијан Мицкоски етикетираше повеќе слободни медиуми и им се закани со тужби:
Нападите врз слободата на говорот не престануваат. Христијан Мицкоски со „методот“ наследен од Груевски на секаков начин и преку разни закани се обидува да ги замолчи медиумите кои не мислат исто како него и ВМРО.
Порталот indeks.mk е должен уште еднаш да и појасни на пошироката јавност дека ние во ниту еден момент во текот на нашиот прилог за „куќите“ на Мицкоски во Козле, не сме дале никакви сознанија, туку само ги преновме истите информации за кои веќе беше јавно кажано пред една недела од страна на нашиот колега г-дин Александар Митовски во неговата емисија.
Сакаме да потенцираме дека ние, indeks.mk, не кажавме ниту еден збор повеќе од Митовски, туку само го пренесовме и проверивме неговото тврдење кое тој никогаш не го демантираше.
Како медиум што работи во РСМ, бараме итна реакција од Здружението на новинари на РСМ и од Синдикатот на новинари и медиумски работници на РСМ, бидејќи ние сме брутално нападнати од Мицкоски и ВМРО ДПМНЕ и тоа го докажуваме во видео делот од изјавата, каде што може и самиот Митовски да биде слушнат велејќи дека никој не го негираше тоа.
