12.8 C
Скопје
29. мај 2024
Centar.mk – Вести, бизнис, забава, спорт…
МАКЕДОНИЈА

ВМРО-ДПМНЕ: Со СДС нема функционер од власта без роднина на списокот за нови судии и обвинители

Додека Цветанка Иванова е генерален секретар на Собранието, нејзината снаа станува судија, непотизмот со СДС и ДУИ метастазира. Огромен сомнеж се фрла врз целиот процес за нови судии и обвинители кога ќе се погледне листата, се чини дека нема функционер од СДС и ДУИ кој нема свој близок на списокот. Како граѓаните да веруваат во институциите, кога со нив раководат фамилијарно партиски кланови, се вели во соопштението од ВМРО-ДПМНЕ.

Од партијата прашуваат каде на друго место во Европа во мандат на свекрвата како генерален секретар во Собрание, нејзината снаа станува судија?

Со СДС и ДУИ довербата на граѓаните во судството и обвинителството ќе биде се пониска.

Како што велат од ВМРО-ДПМНЕ, граѓаните со право сметаат фека политичарите од власта се недопирливи пред законите, кога нивните најблиски роднини се или судии или обвинители.

Со СДС и ДУИ народната кадија те тужи, кадија те суди, има ново значење, син те тужи, ќерка ти суди. Кој е епилогот од така метастазирано судство од непотозам?

Потребни се промени, и нов пристап кон имстотуциите, мерит систем, наместо непотизам и партизација, се вели во соопштението.