Перверзно е луѓе што се обвинети за криминал и против кои се водат судски процеси овде на собраниска говорница да зборуваат и да обвинуваат други луѓе за криминал, порача пратеничката Жаклина Лазаревска во реплика кон пратеникот од ВМРО-ДПМНЕ, Игор Јанушев.
Лазаревска наведе цитати од обвинението поведено токму против пратеникот Јанушев.
„Обвинетите во овој предмет ја оштетиле државата за 4.772.920 евра, односно можеле од другата понуда да добијат толку помалку. Замислете, луѓе што учествувале во ваков криминал, кои се процесирани во судовите, овде, од говорницата, квалификуваат други луѓе за криминалци и зборуваат за трошење народни пари. Тоа е навистина перверзно“, порача пратеничката на СДСМ, Жаклина Лазаревска.
