Со одлуката на Европскиот суд за човекови права во Стразбур, кој потврди дека апликациите на седум поранешни функционери на ВМРО-ДМПНЕ се недозволени, постигната е голема победа на правдата, на правната држава и на аргументите на Владата. Одлуката на Судот во Стразбур е важна затоа што, покрај другото, не констатира прекршување на човековите права во кривичниот прогон на членовите од некогашниот врв на ВМРО-ДПМНЕ, се вели во соопштението од СДСМ.
Од партијата наведуваат дека незаконската аболиција на поранешниот претседател Ѓорге Иванов пропадна. ВМРО-ДПМНЕ изгуби во Стразбур, а аргументите на државата во однос на недозволеноста на апликациите победија и се уважени.
Сега независниот судски систем има одговорност и обврска пред граѓаните и законите да ги доврши сите кривични постапки што се во тек. Владеењето на правото и правната држава и неселективноста во постапките остануваат врвни приоритети на СДСМ во процесот на градење праведно и правично општество за сите, се вели во соопштението.
ПОПУЛАРНО НА ИНТЕРНЕТ...
