Министрите Никола Тупанчески, Насер Нуредини, како и замениците министри Владимир Рендески и Агим Нухиу повеќе не се функционери. Собранието ги констатираше нивните оставки, кои ги поднесоа, како што наведоа, од лични причини. Тие не ги образложија оставките пред пратениците.
Тупанчески раководеше со Министерството за правда каде сега треба да дојде кадар на Алијанса за Албанците. Нуредини раководеше со Министерството за животна средина со кое сега ќе раководи кадар на СДСМ.
„Констатирам дека им престануваат функциите“, рече собранискиот спикер Талат Џафери.
Оставките за кои велат дека се од лични причини, министрите ги поднесоа откако СДСМ и Алијанса за Албанците направија договор за коалицирање.
