13. септември 2025
Centar.mk – Вести, бизнис, забава, спорт…
МАКЕДОНИЈА

Пендаровски – Липавски: ЕУ да го задржи фокусот кон регионот

Претседателот Стево Пендаровски денеска го прими Јан Липавски, министер за надворешни работи на Чешката Република, кој престојува во посета на Република Северна Македонија.

На средбата беа разменети мислења за севкупните односи меѓу двете држави, кои се пријателски, со интензивен политички дијалог на високо ниво.

Во однос на аспирациите за членство во Европската Унија, Пендаровски се заблагодари за постојаната чешка поддршка во однос на политиката на проширување и во тој контекст беа разменети мислења за текот на билатералниот скрининг со ЕУ.

На средбата се разговараше за актуелните состојби во регионот на Западен Балкан, при што Пендаровски истакна дека стабилноста и безбедноста на регионот, како и неговиот демократски развој, се потпираат на европската перспектива и во таа насока посочи на потребата ЕУ да го задржи фокусот кон регионот.

Двајцата разговараа и за состојбата во Украина, партнерскиот одговор на НАТО-сојузниците, како и активностите на македонското претседателство со ОБСЕ во тој контекст.

Можеби ќе ве интересира

Шукова: Да се формира стручен штаб за Дрисла од експерти, чадот е закана за целиот град

C +

Извршниот одбор на СДСМ утврди уште нови 4 кандидати за градоначалници

C +

Филипче до Мицкоски: Зошто не дозволувате декласификација за случајот со АНБ, јавниот интерес треба да е пред сè?

C +