Фокусот е на здравствените проблеми кои ги погодуваат мажите, како што се ракот на простатата и тестисите, но и на често занемарените проблеми со менталното здравје.
Рак на простата
Во речиси 90 проценти од случаите се јавува кај мажи постари од 60 години, а инциденцата се зголемува. Новите упатства за скрининг за рак издадени од Европската комисија препорачуваат тестирање на PSA (тестирање специфичен антиген за простата) кај мажи под 70-годишна возраст, но сепак, важно е да се проценат придобивките и ризиците од оваа процедура во секој поединечен случај.
Рак на тестисите
Ракот на тестисите се јавува почесто кај помладите мажи, најчесто (повеќе од 80 проценти) пред 50-тата година од животот. Во споредба со другите видови на рак, прогнозата е многу добра – петгодишното преживување се проценува на околу 95 проценти. Важно е редовно да се прегледуваат тестисите (еднаш на два месеци) и да се оди на лекар ако забележите некаква промена или грутка – лекувањето на ракот на тестисите откриен во рана фаза, па дури и отстранувањето на еден тестис, обично не влијае на сексуалниот живот или плодноста.
Самоубиства
Бројни истражувања покажуваат дека мажите се помалку склони од жените да бараат помош во случај на здравствени проблеми, а исто така и во случај на психички тешкотии.
Зборувањето за емоции и психолошки тешкотии е во спротивност со родовите улоги и придружните квалитети што им ги припишуваме на мажите, како што се стабилноста, силата и наметливоста. Улогата на машкиот пол како „хранител“ на семејството и чувството на одговорност поврзано со него доведува до поголемо влијание на социо-економските проблеми како што се невработеноста, нискиот социјален статус и финансиските проблеми врз психолошкото здравје на мажите.
