Шеесетгодишниот маж бил претепан до смрт пред членовите на своето семејство, велат од Обвинителството, од каде што отворија истрага против осомничениот 21-годишен жител на Богомила, кој се гони за убиство.
„Осомничениот, на 22 јануари, со умисла лишил од живот едно лице. Оштетениот 60-годишник дошол до куќата на осомничениот да ги повика својата сопруга, ќерката и помалиот син, кои биле во домот на осомничениот, да се вратат дома. Осомничениот на тоа излегол надвор и без причина почнал да го удира оштетениот со тупаници во пределот на градите. Ќерката на оштетениот ги раздвоила, но од повредите оштетениот починал“, информираат од Обвинителството.
Јавниот обвинител до судијата на претходна постапка достави предлог за определување мерки за претпазливост за осомниченото лице.
