Centar.mk – Вести, бизнис, забава, спорт…
МАКЕДОНИЈА

Мицкоски се срерна со амбасадорка на Грција, Филипиду

Претседателот на ВМРО-ДПМНЕ, Христијан Мицкоски, заедно со секретарот за меѓународна соработка на ВМРО-ДПМНЕ, Стефан Андоновски, денеска се сретна со амбасадорката на Грција во Македонија, Софија Филипиду.

На средбата се разговараше за актуелните политички случувања, како и за економската состојба.

Мицкоски на средбата истакна дека евроинтеграциите на Македонија мора да бидат врз основа на мерливи копенхашки критериуми, а не врз основа на понатамошни поткопувања на македонскиот идентитет.

Во врска со уставните измени претседателот Мицкоски потенцира никој нема добиено мандат на избори за нив и дека ВМРО-ДПМНЕ, но и мнозинството граѓани, се против и додаде дека уставните измени се уцена што не ѝ дава на Македонија никакви гаранции дека нема да има нови блокади во иднина.

Во однос на економијата, Мицкоски посочи дека државата е пред целосен колапс со инфлација највисока во Европа и граѓани што секој ден сѐ посиромашни бидејќи власта не е способна да ги заштити и не носи соодветни мерки.

Претседателот на ВМРО-ДПМНЕ потенцира дека единствено поле на кое власта е успешна е во креирањето криминал со коруптивни скандали на дневно ниво. Мицкоски нагласи дека за излез од ситуација потребни се предвремени парламентарни избори што побргу.

Можеби ќе ве интересира

СДСМ: „Плусинфо“ манипуира и одработува за ДПМНЕ, треба да му се извини на Филипче!

ДЕСК

Министерот за дигитална трансформација, Стефан Андоновски ќе учествува на Mинистерскиот самит на Европската комисија во Подгорица – 20/10/2025

ДЕСК

СДСМ до ВМРО-ДПМНЕ: Свесни сте за огромниот пад на поддршката за вашата Влада

ДЕСК