Успешните енергетски политики на Владата предводена од СДСМ даваат резултати. Обезбедена е сигурна и стабилна испорака на струја до граѓаните и компаниите, како и стабилност на цената на електричната енергија. За прв пат во 70 години со полна пареа, истовремено, работат сите енергетски капацитети во државата и тоа трите блока на РЕК Битола, РЕК Осломеј, ТЕЦ Неготино, електраните на гас во Скопје, како и сите агрегати на хидроелектраните во државна сопственост, се вели во соопштението од СДСМ.
Од партијата наведуваат дека се зголемува производството на струја од обновливи извори. Во мандатот на оваа влада од 10 месеци во државата се инсталирани и 141 мегават обновливи извори на енергија, оваа година ќе се искачат на 300 мегавати обновливи извори.
Електрична енергија во државата ќе има, без рестрикции, во една од најпредизвикувачките зими за светот. Цената на електричната енергија не се зголемува. Од 1 јануари, цената на струјата за домаќинствата за првиот и вториот блок се намалува. Субвенционирани се 80 отсто од сметките за струја за домаќинствата.
Големо намалување на цената на струјата, односно 20,15 отсто има за малите потрошувачи на електрична енергија. Станува збор за 72.000 мали и средни претпријатија, кои вработуваат 98 проценти од работниците во државата.
Од СДСМ истакнуваат дека обезбедена е евтина електрична енергија за училиштата, прехранбената и месната индустрија, јавните комунални претпријатија, болниците. За ранливите категории граѓани се исплаќа додаток од 1.000 денари за поддршка на потрошувачка на електрична енергија.
СДСМ со одговорни политики, чесна и посветена работа ги заштити компаниите и граѓаните од ценовен шок, во време на светска економска и енергетска криза, се вели во соопштението.
