Centar.mk – Вести, бизнис, забава, спорт…
CentarМакедонијаТОП ВЕСТИ

Честитка до Ковачевски од украинскиот премиер Шмихаил за почетокот на претседавањето со ОБСЕ

Украинскиот премиер Денис Шмихал му честиташе на премиерот Димитар Ковачевски за почетокот на претседавањето со ОБСЕ на Северна Македонија и рече дека се надева на дополнителна поддршка за Украина, пренесува Укринформ.

„Северна Македонија го презема претседавањето со ОБСЕ за 2023 година. Честитки до премиерот Димитар Ковачевски! Сметаме на континуирана соработка со ОБСЕ, понатамошна координација и поддршка за Украина“, напиша Шмихал на Твитер.

Од Укринформ потсетуваат дека Северна Македонија ќе претседава со Организацијата за безбедност и соработка во Европа (ОБСЕ) од 1 јануари 2023 година. Министерот за надворешни работи на Северна Македонија Бујар Османи стана нов претседавач со ОБСЕ. Во септември 2022 година, наведувајќи ги приоритетите на претседавањето со ОБСЕ на неговата земја, Бујар Османи посвети посебно внимание на војната на Русија против Украина, нагласуваат од Укринформ.