Вицепремиерот Фатмир Битиќи за Клан телевизија ги коментираше неодамнешните анкети каде довербата на граѓаните во судството и понатаму е ниска. Според него, во институциите се уште има остатоци од поранешниот режим на Груевски.
„Таа моќ со која толку упорно се боревме имаше многу длабоки корени, а за да се поништи такво нешто, потребен е малку подолг период. Сè уште гледаме дека, иако има промена на власта, во различни институции преовладува она што го видовме во периодот 2006-16 година“, изјави Битиќи во емисијата Клан Дебата со новинарот Џумадије Ибраими.
