На подрачјето на СВР Скопје во периодот јануари-октомври 2022 година, споредбено со истиот период минатата година, евидентно е намалувањето на севкупниот број на кривични дела за околу 10%, а забележано е зголемување на ефикасноста во расчистувањето на кривичните дела од областа на економскиот криминал за 11,1%, соопшти министерот за внатрешни работи Оливер Спасовски на фејсбук вечерва.
СВР Скопје и во наредниот период ќе продолжи со зголемена динамика при реализација на превентивните активности, но и на репресивните мерки, во насока на уште подобри резултати, рече Спасовски.
