Во 10.00 часот, ќе се одбележи отворањето на градинката „Поточиња“, како дел од ЈУОДГ „Детелинка“ во општината Крива Паланка.
Изградбата на новата градинка е финансирана од Проектот за подобрување на социјалните услуги што го спроведува Министерството за труд и социјална политика со поддршка на Светска банка. Целта на овој проект е зголемување на капацитетите за прием на деца во системот на предучилишноo воспитување и згрижување, со што најмладите и нивните родители добиваат нови можности и поголем избор во секојдневниот живот.
За значењето на новата современа градинка за жителите на Крива Паланка, пред присутните ќе зборуваат:
• Јованка Тренчевска, Министерка за труд и социјална политика
• Сашко Митовски, градоначалникот на општина Крива Паланка
• Мирка Јакимовска, директорка на ЈУОДГ „Детелинка“
