Подобро е ние како Влада да интервенираме со некаков проект во општините, отколку ние само да крпиме долгови, рече министерот за локална самоуправа Ристо Пенов во гостувањето во ‘Вин-вин’.
-Морам да признаам, јас не само со Данела, бев и кај Билал Касами сега и тоа ако праќа некаков друг сигнал, јас и таму однесов донација и најавив друга да направиме. Нашата идеја е да функционира државата по сите основи и насушните потреби на скопјани да не стојат во место, заради блокади од Совет или заради било какви причини, рече Пенов.
Тој додаде дека е изненаден од кооперативноста на градоначалничката Данела Арсовска.
-Не во смисла да излезе од проекти, но дека и таа гледа интерес овие проекти навистина да ги профункционираме и веќе со Универзалната сала тргна процедурата, таму е мислам и најчисто како институција да се преземе, ќе трае таа процедура, но процесот оди, изјави Пенов.
