Претседателот Стево Пендаровски утре и задутре ќе му биде домаќин на претседателот на Сојузна Република Германија, Франк-Валтер Штајнмајер, кој ќе престојува во дводневна официјална посета на земјата.
Претседателот Штајнмајер на официјална церемонија ќе биде пречекан со највисоки државни и воени почести по што ќе следува тет-а-тет средба на претседателите Пендаровски и Штајнмајер и пленарен состанок на делегациите на Македонија и Германија.
Во рамките на посетата, во црквата „Св. Спас“ во Скопје, претседателот Штајнмајер и претседателот Пендаровски ќе положат венци на гробот на Гоце Делчев.
