Centar.mk – Вести, бизнис, забава, спорт…
+Македонија

Петровска – Пелеши: Најдобар одговор на безбедносните предизвици се интензивната одбранбена соработка и јакнењето на колективната безбедност

Министерката за одбрана Славјанка Петровска, денеска, во рамките на заедничката седница на владите на Северна Македонија и на Албанија во Скопје, се сретна со албанскиот министер за одбрана, Нико Пелеши, со кого разговара за интензивирање на одбранбената соработка, особено имајќи предвид дека токму на заедничката седница беше потпишан нов меморандум за билатерална соработка, кој ги отсликува новата реалност и фактот дека и двете земји соработуваат како земји сојузнички во НАТО.

„Северна Македонија и Албанија ја споделуваат истата визија за Балканот како регион што мора да остане безбеден, стабилен и во мир. Најдобар одговор на нарушената безбедност на континентот со руската агресија врз Украина е продлабочувањето на меѓусебната соработка. Обновениот билатерален меморандум го овозможува токму тоа бидејќи клучот кон успешна одбранбена соработка и целосна интероперабилност на двете сојузнички армии се заедничката обука, заедничките вежби, блиските контакти помеѓу војниците и развивањето пријателства“, рече министерката.

Петровска посочи дека и припадниците на двете армии во континуитет имаат одлична соработка, факт што се гледа и преку големиот број заеднички вежби и обуки, како вежбата Swift Response оваа година и планираното заедничко учество во вежбата Defender Europe 23, која треба да се реализира в година и која е дизајнирана да изгради подготвеност и интероперабилност во алијансата и помеѓу НАТО и партнерските земји.

„Регионалната безбедност е приоритет за двете земји и ме радува што соработката и заедничкиот придонес кон регионалните безбедносни иницијативи се продлабочува. Нашата одбранбена и сојузничка соработка ја зацврстува безбедноста на Западен Балкан и испраќа уште една порака – местото на Албанија и Северна Македонија во ЕУ е заслужено, а брзата интеграција е суштинска за заедничката стабилност, безбедност и просперитет“, истакна министерката.

Министерот Пелеши изрази задоволство што и двете земји се силно посветени на меѓусебната соработка и што сето она што е планирано се реализира со одлично темпо.

Планот за билатерална соработка за 2022 година вклучува седум активности, од кои четири во Северна Македонија и три во Албанија. Фокусот во него е ставен на соработката во областа на разузнавањето, АБХО, воената полиција и развојот на Лесната пешадиска баталјонска група, како и користењето на армискиот полигон „Криволак“ и учеството на обуките во Регионалниот центар за односи со јавноста. Двете земји учествуваат во многубројни регионални иницијативи, како САД – Јадранската повелба, иницијативата СЕДМ, Бригадата на Југоисточна Европа, Форумот на началниците на Генералштабот, Центарот за безбедносна соработка – РАКВИАК и Балканските медицински наменски сили.

Можеби ќе ве интересира…

  • Biznispro.com
  • Вести +
  • Жена
Падна рекордна седумка на Лото во Кичево – среќникот ќе се офајди со 500.000 евра

Во Кичево вечерва се падна рекордната Лото добивка од 32.921.304 денари или околу 500.000 евра. Засега нема информации за идентитетот на добитникот, но од она што се знае лото ливчето… Прочитај повеќе

Ковачевски до Мицкоски: Не е храборст да се криеш зад Апасиев и да бараш предвремени избори затоа што си уплашен

Христијан Мицкоски и Димитар Апасиев се совршена комбинација за хаос и деструкција, порача вечерва претседателот Димитар Ковачевски на граѓанската трибина „Силно и одлучно кон иднината“ во Куманово. Ковачевски истакна дека… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе