Европската комисија претстави нова стратегија за стручно образование и обука, со која сака да ја подобри подготвеноста на младите и возрасните за потребите на современиот пазар на труд.
Стратегијата предвидува поддршка за модернизација на образовните системи и развој на практични вештини во секторите со зголемена побарувачка за работници, меѓу кои енергетиката, производството, здравството, одбраната и градежништвото.
Новите мерки се дел од поширокиот европски пакет за образование и вештини, чија цел е подобрување на конкурентноста и полесно поврзување на образованието со реалните потреби на економијата.
