За многу години Митровден.
Православните верници денеска го слават денот на Светиот великомаченик Димитриј, во народот познат како Митровден.
Празникот е посветен на антички командант од Солун кој страдал поради ширење на христијанството.
По бројот на оние кои го слават, Митровден е една од најголемите слави.
Според народните верувања, во пресрет на Митровден секој треба да е во својата куќа, бидејќи ако тогаш не биде дома, преку цела година ќе ноќева по туѓи куќи.
Овој ден е познат, како што се верувало, и по тоа што ајдуците тогаш се разделувале за некаде да ја презимат зимата и повторно се состанувале на Ѓурѓовден наредната година.
Според временските прилики на Митровден традиционално се предвидува каква ќе биде зимата: ако на Митровден падне снег или има мраз, зимата ќе биде остра и ќе потрае до април.
Убавото време на митровден е знак дека зимата ќе биде остра, а облачен ден најавува блага и топла зима.
