Премиерот Ковачевски: Ветив дека ќе направиме сѐ – официјален Белград реши да ја изземе Северна Македонија од забраната за извоз на природен гас

Обраќање на премиерот Димитар Ковачевски:

Ветив дека ќе направиме сѐ и дека ќе работиме секојдневно за никој да не мора сам да се справува со оваа криза. Струја, енергенси и храна, мора да има за сите.

Токму затоа, по интензивна комуникација со колешката Брнабиќ, официјален Белград реши да ја изземе Северна Македонија од забраната за извоз на природен гас.

Преку политиките на добрососедство, тесната соработка во рамки на Отворен балкан, но и партнерскиот однос, во време на енергетска криза обезбедуваме поддршка онаму каде највеќе треба, за училиштата и болниците во многу градови низ земјата.