9. октомври 2025
Centar.mk – Вести, бизнис, забава, спорт…
ТЕМАМАКЕДОНИЈАТОП ВЕСТИ

Голема трагедија: Нуркач од Македонија загина на хрватскиот остров Вис

Нуркач од Македонија почина во Хрватска откако му се слошило додека нуркал во близина на островот Вис, објавија хрватските медиуми.

Несреќата се случила околу 11 часот. На македонскиот нуркач му се слошило и останал без свест. Бил извлечен на копно и имало обид за реанимација.

Лекарите од Итната помош на островот се обиделе да му помогнат, но македонецот веќе бил починат, по што неговото тело е предадено на обдукција во Сплит каде треба да се утврди причината за смртта.

Сплитскиот весник Слободна Далмација објави дека станува збор за човек на средни години кому му се слошило во близина на малото островче Равник каде што и пред десетина години имало слична несреќа со загинат нуркач.

Областа околу Вис е атрактивна за нуркачите. Вис се наоѓа на крајот на хрватските територијални води, а во историјата е познат и како засолниште на југословенскиот партизански лидер Јосип Броз Тито по неуспешниот десант на Дрвар во 1944-тата година.

Можеби ќе ве интересира

Филипче од Прилеп: Под превезот на лажниот патриотизам донесоа ослабена економија и поделена држава

ДЕСК

Какво ќе биде времето? – Метеоролозите ја објавија најновата прогноза

ДЕСК

Филипче од Прилеп: Патриотизам не е да создадеш лажна гордост, туку да обезбедиш услови луѓето да живеат гордо

ДЕСК
error: Соддржината е заштитена.