Со официјален пречек на шефовите на држави, од страна на премиерот на Чешка Петр Фиала, започнува првиот состанок на Европската политичка заедница во Прага. Премиерот Фиала го пречека премиерот Ковачевски кој ја предводи владината делегација, во чиј состав се и министерот за надворешни работи Бујар Османи, како и министерот за земјоделство, шумарство и водостопанство Љупчо Николовски.
Програмата на настанот содржи пленарни дебати и дискусии на тркалезни маси поврзани со актуелни прашања за енергетската и економска криза, снабдувањето со енергија и енергенси, како и дискусии врзани со климатските предизвици, но и мирот и безбедноста во контекст на руската воена агресија врз Украина.
Премиерот Ковачевски ќе учествува на пленарна сесија заедно со министрите Османи и Николовски, а потоа со лидерите на европските земји на тркалезната маса, посветена за енергетика и економија. Дополнително предвидени се и неколку билатерални средби.
ПОПУЛАРНО НА ИНТЕРНЕТ...
