Основното јавно обвинителство Скопје поднесе постапка против 44-годишен маж, кој го убил сопственото дете.
„Ноќта меѓу 25 и 26 септември, додека осомничениот бил во домот со четири малолетни деца, меѓу кои и тримесечниот син, започнал да го удира детето со раце и нозе по главата и телото. На тој начин му нанел повеќе повреди кои предизвикале крварење во черепната празнина, како резултат на кои тримесечното бебе починало“, се вели во соопштението.
За 44-годишниот маж е доставен предлог за определување мерка притвор затоа што може да избега или да влијае врз сведоци, но и да го повтори делото.
