„Овие денови во РСМ излезе нова анкета за истражување на јавното мислење, според која „Отворен Балкан“ ужива поддршка на 67 отсто од населението, 16 отсто немаат конкретен став, а само 17 отсто не ја подржуваат оваа иницијатива. Ова е четврта анкета на релевантна организација и агенција според која поддршката за „Отворен Балкан“ е висока. Поддршката е силна и кај Македонците и кај Албанците од Северна Македонија и кај социјалдемократите и кај конзервативците, и кај младите и кај старите, во градските и селските средини. Поддршката, секако, е особено висока во деловниот сектор. Стопанските комори се суштински и витален дел на скоро сите проекти на „Отворен Балкан“, а компаниите се први кои почувствуваа конкретни придобивки.“- изјавил МАрјан Забрчанец, координатор на иницијативата „Отворен Балкан“ за белградска Политика.
„Значаен исчекор е направен и со формирањето на работни групи, кои имаат за цел основање на заедничка агенција за инвестиции на „Отворен Балкан“, а која првата средба ја остварила за време на саемот. Започнат е и процесот на создавање на единствено инвестициско портфолио како пазар од повеќе од 12 милиони граѓани со целиот човечки, економски и природен потенцијал со кој распологаат државите заедно. Целта е јасна: да се понудиме на големи инвеститори од САД, како и да ги привлечеме ЕУ и светот како регион во кој може да ги шират своите деловни активности.“- додал Забрчанец.
