21.8 C
Скопје
28. март 2024
Centar.mk – Вести, бизнис, забава, спорт…
фото илустрација
БИЗНИС

Цените во Германија соборуваат рекорди

Растот на производствените цени во Германија достигна нов рекорд во август, поттикнат од цените на енергијата, покажуваат податоците објавени од „Дестатис“.

Производните цени во Германија се зголемија 45,8 отсто во август во споредба со истиот месец минатата година, што е најмногу од 1949 година кога германскиот завод за статистика почна да објавува податоци, надминувајќи го рекордниот пораст од 37,2 отсто во јули. Во однос на јули тие се повисоки 7,9 отсто, што е и највисок раст откако „Дестатис“ ги објавува извештаите. Тие во јули се зголемени на месечно ниво за 5,3 отсто.

Цените на енергентите во август беа повеќе од двојно повисоки од истиот месец лани. На месечно ниво се зголемени 20,4 отсто. Струјата поскапела речиси четири пати за дистрибутерите, а гасот е три пати поскап од август минатата година.

Без цените на енергијата, производствените цени се повисоки 14 отсто.

Поради поскапувањето на енергентите, забележително пораснаа и цените на интермедијарните производи, и тоа 17,5 отсто, но и на трајните и нетрајните производи за широка потрошувачка, и тоа 10,9 и 16,9 отсто соодветно.

Храната поскапела 22,3 отсто, со цената на путерот со скок од 74,6 отсто во однос на ланскиот август. Скокнаа и производствените цени на непреработените растителни масла, и тоа 51,4 отсто. Млекото и кафето поскапеа за една третина, а месото за четвртина, отколку во август 2021 година.

Спонзорирано: