Едно лице починало од повреди нанесени од огнено оружје вечерва во центарот на Гостивар. Според првичните информации се работи за убиство на кое му претходела расправија.
Според СВР Тетово, вечерва околу 19 часот и 40 минути во СВР Тетово пријавено е дека во гостиварската болница „Ферид Мурад” бил донесен 28-годишниот гостиварец Г.А.
На гостиварецот му била констатирана, влезно-излезна прострелна рана во главата. Му била укажана лекарска помош, но Г.А. им подлегнал на задобиените повреди.
Во тек е увид што го вршатЈавен обвинител и екипа од Одделението за внатрешни работи Гостивар. Се преземаaт мерки за расчистување на случајот.
