Генералниот секретар на Град Скопје, Ѓоко Велковски, кој на ова апозиција дојде од редовите на ВМРО-ДПМНЕ, си поднесе оствака со статус на Фејсбук во кој вели дека се разочарал од работата на градоначалничката Данела Арсовска.
„Оваа моја одлука ја донесов и поради фактот што сум разочаран од слабиот потенцијал за работа и несоработката од градоначалничката Арсовска во реализацијата на капиталните проекти за градот Скопје. Ветувањето кон скопјани беше модерна метропола, а резултатите да бидат брзи и сигурни. По речиси една година во Градот можам да кажам дека таму има поединци и професионалци вработени во градот кои со децении придонесуваат за развој на градот и им благодарам за соработката, пожртвуваноста и нивниот придонес. Но воедно залуден е мојот и нивниот ентузијазам кога Арсовска покажува затвореност, поинакви приоритети од ветените, слаба динамика во темпото на реализација додека проблемите се наталожуваат. Во таква една ситуација развојот на градот Скопје не е можен, иако граѓаните со право очекуваа по нејзиното стапување на функција многу повеќе„, напиша меѓудругото Велковски.
Тој додаде дека ќе продолжи да работи како член на Советот на Општина Чаир и дека ќе продолжи да го поддржува претседателот на ВМРО-ДПМНЕ, Христијан Мицкоски.
Град Скопје денеска соопшти дека е разрешен Златко Перински, директорот на ЈП Водовод и канализација – Скопје, поради самоволие во јавната набавка на пречистителна станица за 136 милиони евра.
