„Да покажеме достоинствена почит кон предизвиците со коишто се соочени граѓаните и државата од глобалната криза и да се помогне во решенијата, наместо да се блокираат. Има време и до избори и за политиканство – но, сега не е тоа време“ рече премиерот Димитар Ковачевски во неговото обраќање на централната прослава за 8 Септември – Денот на независноста.
Тој додаде дека Владата ја прифати прогресивната идеја за напредок преку обединување и токму затоа тој, како премиер, зборува токму за таа потреба и на домашен и на меѓународен план.
„Обединети во слободата е битка за перспективи! Слободата е одговорност. Таа значи право на избор, но со одлуките и изборите што ги прави секој, потсетувам дека треба сите да живееме“ рече Ковачевски.
Премиерот додаде дека патот на развојот продолжува само со обединување и повика на обединетост исто како на историскиот 8 Септември пред 31 година, бидејќи тоа е мудро, зрело и потребно.
ПОПУЛАРНО НА ИНТЕРНЕТ...
