Над 400 штети биле пријавени по невремето коешто вчера го погоди Скопје.
Од Центарот за управување со кризи информираа дека паднати се дрва, поплавени се простории и коловози, одувани кровни конструкции, а има и скинати проводници.
Откорнати биле 30 дрва, а оштетени 20 автомобили, според пријавеното.
Директорот на Центарот за управување со кризи синоќа информираше за две повредени лица кои се здобиле со повредите кога врз автомобилот во кој се возеле паднало дрво.
