„Се уште не сме го виделе предлогот за анкетна комисија за испитување на трошењата во кризниот период на ВМРО-ДПМНЕ, но јавно кажувам дека ќе прифатиме. Ќе разговараме во Собранието што се случува сега, а што се случувало во минатото во енергетскиот сектор“ кажа координаторот на пратеничката група на СДСМ, Јован Митрески во дневникот на Сител.
Тој додаде дека ќе се разговара за тоа како се набавувала струја три пати поскапа од пазарната, како во период кога немало енергетска криза струјата поскапувала за 100 отсто, колку субвенционирала држава, колку се вложувало во енергетскито сектор.
„Ќе разговараме дали претходно се изградил некој енергетски објект или се вложувало во приватни хидроцентрали и како сега се вложува во ветерници и фотоволтаици. Темата ќе ја отвориме и ќе разговараме“ рече Митрески.
Пратеникот од СДСМ додаде дека иако се уште официјално немаат добиено никаков предлог од ВМРО-ДПМНЕ, тие се подготвени да го прифатат и да се отворат сите овие теми.
