Centar.mk – Вести, бизнис, забава, спорт…
МАКЕДОНИЈАИЗБОР

(Видео) Георгиевски: Поголеми цени и рекорден извоз на македонското вино

Вистинските мерки и политики што изминатите години ги реализира Владата предводена од СДСМ, за помош и поддршка на лозарството и винарството даваат конкретни, видливи резултати. Постигнати се историски највисоките цени за откуп на грозјето, зголемени за 30 отсто во однос на претходната година, изјави на денешната прес-конференција, Гоце Георгиевски, претседател на Комисија за земјоделство на СДСМ.

Дополнителни 2 денари за килограм откупено грозје, се обезбедени од Интервентниот фонд за земјоделството, кој со ребалансот на Буџетот е зголемен од 400 на 900 милиони денари, наменети за поддршка на оваа стопанска гранка во услови на криза.

Георгиевски додва дека ова значи дека на веќе договорените 13 и 15 денари по килограм, цената на откупната цена на грозјето ќе достигне 15 денари за смедеревката и 17 денари за вранец.

СДСМ низ партнерски однос и со лозарите и винариите, обезбеди рекордна помош за секторот. Вложувањата и поддршката на лозарите и винариите доведе до зголемување на производството на грозје и вино и раст на извозот, вели Георгиевски.

Веќе трета година по ред извозот на вино бележи пораст, и во количина и во вредност. И тоа се повеќе флашираното, го заменува извозот на налевно вино.

Минатата година македонските винарии извезле вино во вредност од над 61 милиони долари, што е зголемување од 19% во споредба со 2020 година.

Македонските вина како препознатливи по својот квалитет следното претставување ќе го имаат во рамките на иницијативата Отворен Балкан, на првиот меѓународен саем за вино, храна и туризам што ќе се одржи во Белград.

Од Северна Македонија ќе учествуваат 42 винарници и 3 дестилерии кои ќе се претстават со повеќе од 300 различни типови македонски вина.

Ова е можност за поголем извоз, откуп и нови пласмани и пазари за македонските вина.

Продолжуваме заедно со лозарите и винариите да креира мерки за помош и поддршка на лозарството и винарството, како гранки со висок потенцијал за развој и извоз, изјави Георгиевски.

Можеби ќе ве интересира

Трагичен крај на потрагата: Пронајдено било телото на 16 годишното девојче кое исчезна во Вардар

ДЕСК

Каква е состојбата на патиштата вечерва?

ДЕСК

МВР демантира написи поврзани со измените на Законот на полиција во кои се тврди дека полицаец осуден за кривични дела нема да се отстрани од работа

ДЕСК