Коалицијата предводена од СДСМ освои двојна победа на вонредните локални избори за градоначалник во општините Маврово-Ростуше и Центар Жупа, велат од владејачкиот СДСМ по изборите.
„Граѓаните избраа напредок, граѓаните на изборите потврдија дека знаат кој е вистинскиот правец, кој ја води државата напред. Во овие тешки времиња граѓаните ги препознаа вистинските политики и со големо мнозинство ја дадоа својата доверба на СДСМ и коалицијата, на концептот кој создава напредно и развиено општество, европски вредности и европска иднина.
Европска Македонија е единствениот апсолутен победник на овие избори, гласи јасната и силна порака од вчерашните избори“, се наведува во соопштението на СДСМ.
