16. октомври 2025
Centar.mk – Вести, бизнис, забава, спорт…
МАКЕДОНИЈА

Министерката Тренчевска на студиска посета во Република Полска

Министерката за труд и социјална политика, Јованка Тренчевска од денес до петок ќе престојува во Република Полска на студиска посета организирана од проектот финансиран од ЕУ „Поддршка на социјалните претпријатија“.

Министерката ќе посети повеќе социјални претпријатија меѓу кои и „Барка“ како и нивниот центар за поддршка на социјалните претпријатија во Република Полска. Тренчевска ќе одржи средби со повеќе градоначалници на општини каде што има социјални претпријатија, но од особена важност е средбата со Министерката за семејство и социјална политика на Република Полска, Марлена Малаг.

Презентацијата на полскиот систем на социјална економија – законската рамка, мерките, политиките и финансиските инструменти ќе придонесат за стекнување на повеќе искуства, особено значајни во овој период во кој во нашата земја се подготвува Законот за социјални претпријатија.

Проектот „Поддршка на социјалните претпријатија“ е имплементиран од Ептиса, во конзорциум со Барка и Екорис, каде корисник е Министерството за труд и социјална политика. На студиската посета ќе бидат присутни претставници на повеќе институции.​

Можеби ќе ве интересира

Герасимовски: Заокружи го бројот 5 во недела, за континуитет, стабилност и развој на Центар

ДЕСК

Реакција на СДСМ: ВМРО-ДПМНЕ и Љутков директно одговорни за рушењето на домот на Владо Малески!

ДЕСК

Денеска почна вакцинацијата против сезонски грип, досега пријавени 43.000 граѓани, продолжува пријавувањето на vakcinacija.mk

ДЕСК
error: Соддржината е заштитена.