Демократската унија за интеграција ги поздравува позитивни реакции на целиот демократски свет за историската одлука “за” францускиот предлог донесена од Собранието, кој ја запечати идеолошката ориентација на земјата без друга алтернатива, онаа за интеграција во Европската Унија.
„ Вашингтон, Брисел, Берлин, Париз, Рим, Лондон и сите главни градови на евроатлантските земји високо ја ценат храброста на прогресивните сили што ја водат земјата. Неколкуте неистомисленици, ВМРО и Левица, остануваат изолирани и обединети во духот на регресивните проруски сили.
Огромното мнозинство од граѓаните на земјата не се идентификуваа со руската агенда, не подпаднаа на измами, провокации и не ги поддржаа протестите што сакаа да ја вратат земјата наназад по сите тие заеднички достигнувања и да ја сменат нејзината стратешка ориентација“ велат од ДУИ.
Како што додаваат од партијата, денес е време на определување, кој е со Европа, кој е против, кој е со НАТО, а кој против, кој се усогласува со евро-американските сили, а кој со проруските. Според ДУИ, нема сива зона, нема недефинирано.
Демократската унија за интеграција смета дека огромно мнозинство граѓани ги поддржуваат евро-американските прогресивни сили и нема да дозволат отстапување од евроатлантскиот курс на земјата.
