Претседателот на Владата Димитар Ковачевски по средбата со владините коалициски партнери изјави дека на средбата од сите учесници била потпишана Декларација за обезбедување стабилност за граѓаните, домашната економија и бизнис секторот во услови на глобална криза.
„Целта на оваа Декларација е да даде дополнителна и цврста гаранција, но и јасна политичка посветеност за прилагодување на политиките на неопходноста од справување со негативните последици од најголемата криза после Втората светска војна“ порача Ковачевски.
Осврнувајќи се на темата за предвремени избори, Ковачевски посочи дека сите коалициски партнери се согласиле, парламентарните избори да се одржат во 2024 година.
