„За да постои нормален политички дијалог треба да имаме нормални политичари од двете страни. Додека сме сведоци дека во цел развиен, па и не толку развиен свет власта и опозицијата соработуваат, кај нас опозицијата реши да блокира“ рече потпретседателот на СДСМ, Стефан Богоев во емисијата „Трилинг“ на ТВ24.
Тој додаде дека жали што опозициската ВМРО-ДПМНЕ се одлучи за блокирање и не гледа логика во таквиот чекор, бидејќи блокадите не носат добро за никого.
„Слушам и небулози дека некои закони ќе се поддржеле, некои не. Собранието е сериозна институција, тоа е столбот на една демократска држава и не може да се дозволи опозицијата да го третира како пазар“ рече Богоев.
Тој додаде дека ВМРО-ДПМНЕ добие негативна реакција од јавноста и бизнис фелата за нивното барање за предвремени избори, па токму затоа се обидуваат да го ублажат тоа со нудење на луѓе за помош во кризата.
ПОПУЛАРНО НА ИНТЕРНЕТ...
