32.8 C
Скопје
3. јули 2022
Centar.mk – Вести, бизнис, забава, спорт…
Македонија

Пендаровски по повод 24 Мај: Сѐ уште има такви кои си земаат за право да имаат ексклузивитет врз заедничките добра

Денот посветен на солунските браќа, кои не само што ги поставија темелите на духовноста и на писменоста кај словенските народи туку и инаугурираа идеи и дела исполнети со хуманост и со човекољубие и коишто имаат почитувачи и следбеници ширум светот, за нас е повеќе од празник, истакнува претседателот на државата Стево Пендаровски, по повод одбележувањето на 24 Мај, Денот на сесловенските просветители Св. Кирил и Методиј.

„Ние имаме особен долг и благодарност кон нивното дело, кое е наш духовен и културен темел, но и светоглед и залог за иднината. Св. Кирил и Методиј се и треба да ни останат патоказ за тоа како да истраеме и како индивидуи и како нација“, посочува Пендаровски.

„И единаесет века по упокојувањето на Св. Кирил и Методиј, поборниците за вистината и неуморните заштитници на послабите и на обесправените, сѐ уште се живи нивните дела и нивните мисли, но, за жал, живи се и догмите против коишто се бореа. Сѐ уште има такви коишто си земаат за право да имаат ексклузивитет врз општите и заеднички добра и се обидуваат да ги потчинуваат и условуваат останатите. Напредокот и добросостојбата се можни само со споделување на заеднички вредности, со давање и со помагање, а не со алчност, себичност и со доминација. Токму тоа најдобро го покажа делото на Св. Кирил и Методиј“, стои во напишаното од страна на шефот на државата, по повод 24 Мај, Денот на Св. Кирил и Методиј.

Можеби ќе ве интересира

Пендаровски се сретна со новиот словенечки премиер Роберт Голoб

M T

Претседателот Пендаровски ќе учествува на Самитот на НАТО во Мадрид

M T

Пендаровски: Победата над фашизмот е и победа за Европа

M T

Пендаровски: Обврска ни е да го чуваме и негуваме македонскиот јазик

M T

Пендаровски во официјална посета на Црна Гора

M T

Порака од претседателот Стево Пендаровски по повод Светскиот ден на лицата со Даунов синдром

M T