Многу луѓе го чистат кромидот така што без размислување ги отстрануваат надворешните листови и ги фрлаат во ѓубре, не знаејќи дека овој „отпад“ може да им помогне да решат многу здравствени проблеми.
Експертите предупредуваат дека сите што го прават тоа се лишени од бројни хранливи материи: корисни се супстанциите од секој дел од кромидот, особено оние кои се наоѓаат во лушпите.
Лушпата на кафеавиот кромид содржи многу влакна кои не знаете како да ги надокнадите, а секогаш ви се при рака затоа што оваа храна ја ставате во речиси секое зготвено јадење, во салата, на пролет ја послужувате со популарна скара… Покрај нив во обвивката на кромидот има и флавоноиди кои успешно не штитат од болести и забрзано стареење.
– Консумацијата на влакна од лушпите на кромидот го намалува ризикот од кардиоваскуларни болести, болки во стомакот и варење, дебелина, но и рак на дебелото црево, дијабетес тип 2 – откриле истражувачите од Независниот универзитет во Мадрид.
Нивните британски колеги исто така не советуваат да користиме лушпи од кромид бидејќи тие се одлични извори на фруктани, полимери на молекули на фруктоза, како и соединенија на сулфур. Фруктани се всушност пробиотици, што значи дека тие го штитат нашето здравје преку стимулирање на растот на добрите бактерии во цревата.
Соединенијата на сулфур помагаат да се спречи акумулација и зголемување на тромбоцитите во нашиот крвоток. Во исто време, тие имаат повеќе од изразено антиинфламаторно дејство.
