„Придобивката од членството во Европската Унија ќе биде пред се за граѓаните. Тоа е наша стратешка цел, наша референтна точка од која нема враќање назад и нема компромис за тоа“ изјави министерот за внатрешни работи Оливер Спасовски во вестите на Сител.
Тој додаде дека важно е низ процесот на пристапување во Унијата да се зајкнат европските вредности во македонските институции, вклучително и во МВР.
„Јас сум среќен што добар дел од регулативата на ЕУ која се однесува на Министерството за внатрешни работи е целосно усогласена со ЕУ. Важно ќе биде низ процесот на преговарање, преку воведувањето на европските вредности, да зајакне јавната свест и нашето размислување да биде во тој правец“ рече Спасовски.
Тој додаде дека европските идеали базирани на солидарност и слобода се нешто што е потребно за сите граѓани да се чувствуваат свои на своето во Северна Македонија.
ПОПУЛАРНО НА ИНТЕРНЕТ...
