„Тоа што се потврди со нападот на Украина е дека мирот не ни е даден еднаш за секогаш, туку треба да го негуваме. Најголема придобивка од членството во НАТО се токму сигурноста и безбедноста“ рече министерката за одбрана, Славјанка Петровска во вестите на МТВ.
Таа додаде дека граѓаните може мирно да спијат и да се будат, знаејќи дека се дел од големото НАТО семејство.
Министерката Петровска исто така истакна дека ги поканила бизнис заедницата, стопанските комори и компаниите заедно да работат на воспоставениот Центар за поддршка на компаниите кои сакаат да настапат на НАТО пазарот.
„Она што ми е приоритет е овој Центар да им овозможи на компаниите пробив на НАТО пазарот, за и бизнис секторот во земјава директно да ги почувствува придобивките од членството во Алијансата“ рече Петровска.
