„Постојат поединци, групи, па дури и политички партии кои се финансирани од трети држави, кои не сакаат да ја видат Северна Македонија во ЕУ и работат против евентуален договор со Бугарија“ изјави премиерот Димитар Ковачевски во „360 степени“ на АлсатМ.
Тој додаде дека и овие денови се забележуваат реакции од таквите пропагандисти кои обвинуваат за национални предавстава и од двете страни и во Софија и во Скопје.
Коментирајќи ја изјавата на бугарскиот премиер Кирил Петков за протерувањето на пет руски дупломати кои работеле против договор меѓу Бугарија и Северна Македонија, Ковачевски ијзави дека му верува на неговиот бугарски колега, бидејќи таа изјава е базирана на информациите од бугарските служби.
„Немам детали, но сигурно дека тоа што е за споделување, нивните агенции за национална безбедност ќе соопштат“ рече Ковачевски.
