Германскиот министер за енергетика изјави дека сите министри на земјите од Г7 го одбиле барањето на Русија за плаќање на руската енергија во рубли, пишуваат агенциите.
Роберт Хабек изјави за новинарите дека сите министри целосно се согласиле дека ова ќе биде еднострано и јасно кршење на постојните договори.
По онлајн-состанокот со министрите за енергетика на Г7, Хабек рече дека плаќањето во рубли не е прифатливо и ќе ги повика компаниите да не го следат барањето на рускиот претседател Владимир Путин.
Запрашан од новинарите дали Русија би можела да ја намали испораката на гас за европските клиенти доколку тие го одбијат барањето за плаќање на рускиот гас во рубли, портпаролот на Кремљ, Дмитриј Песков, рече дека очигледно нема да испорачува гас бесплатно.
Путин минатата недела објави дека Русија ќе бара од непријателските земји сега да плаќаат за природен гас само во руска валута. Тој ѝ нареди на централната банка на земјата да развие процедура за купувачите на природен гас и плаќањата во рубли. Песков денеска изјави дека разговорите за тоа се во тек.
ПОПУЛАРНО НА ИНТЕРНЕТ...
