Oд запален контејнер опожарни се три возила во селото Марино.
Утрово во 04.40 часот во СВР Скопје е пријавено дека на улицата„533“ во Марино, општина Илинден настанал пожар во пластичен контејнер за рециклирање на отпад. Тој зафатил три возила: „фолксваген голф“, сопственост на И.П.(36) од Скопје, „хјундаи“,сопственост на К.П.(36) од Марино, двете со скопски регистарски ознаки, и „даеву матиз“, со тетовски ознаки, сопственост на И.Ј.(38) од Марино. Бригадата за противпожарна заштита Скопје го изгасила огнот. Во пожарот нема повредени, а увид на лице место извршила екипа од СВР Скопје.
