26. август 2025
Centar.mk – Вести, бизнис, забава, спорт…
БИЗНИСвест

Германски министер за економија: Снабдувањето со гас за следната зима не е целосно обезбедено

Снабдувањето со гас во Германија за следната зима се уште не е целосно обезбедено, а не се исклучени и прекини во снабдувањето со гас за големите потрошувачи, изјави денеска германскиот министер за економија Роберт Хабек.

„Ако Германија веќе не добива гас од Русија следната зима, целосното снабдување нема да биде целосно загарантирано“, изјави Хабек, член на Зелените, за Deutschlandfunk.

Во овој случај, законот предвидува одвојување на големите потрошувачи, пред се индустриските постројки, од синџирот за снабдување со гас со цел да се гарантира доволно гас за домаќинствата и објектите како што се болниците. Хабек рече дека федералната влада „прави се“ во моментот за да ја спречи ситуацијата. Хабек го наведе намалувањето на зависноста од рускиот гас како најважна цел.

Германскиот министер за економија денеска патува во Катар и Обединетите Арапски Емирати за да обезбеди доволно количества течен гас (LNG) и течен водород како алтернативно еколошки енергенси. Катар е еден од најголемите светски производители на течен природен гас.

По почетокот на рускиот напад врз Украина и со цел да се намали зависноста од рускиот гас, германскиот канцелар Олаф Шолц најави изградба на два терминали за ЛНГ во Германија.

Можеби ќе ве интересира

Димитриеска-Кочоска во Загреб- Потпишан Меморандумот за разбирање и соработка насочена кон развој на пазарите на капитал во земјите од Централна и Југоисточна Европа

ДЕСК

По 17 години – нови правила за одобрување возила од 1 септември: Поевтино, побрзо и 1,3 милиони евра назад кај македонски компании

ДЕСК

ССМ со жестоко соопштение: Функционер со 150.000 денари плата или 2.500 евра плата му кажува на работник со 24.397 денари или 400 евра плата како нема да му ја зголеми платата и како добро се живее, веројатно за да не аздиса многу работникот

ДЕСК