Штрајкот на железничарите продолжи и денеска.
Штрајкот почна вчера од страна на машиновозачите и помошник-машиновозачите во „ЖРСМ – Транспорт“ АД Скопје.
Со тоа, како што беше соопштено, не сообраќаат сите возови во патничкиот и товарниот сообраќај.
Машинскиот и извршниот персонал во „Железници – Транспорт“ бара исплата на материјалните трошоци и на првиот дел од платата за февруари.
Вчера, раководството на „Железници“ реагира дека штрајкот на машинскиот персонал не бил писмено најавен и е незаконски.
Тие наведоа дека редовно им ги исплаќаат платите и надоместоците на вработените иако Друштвото се соочува со намалени приходи, а во исто време и зголемени трошоци во однос на користење на електричната енергија и нафтата, што енормно ги зголемува вкупните трошоци во редовното работење. Раководството наведе дека „Железници на Република Северна Македонија“ на вработените им ја има во целост исплатено платата за јануари 2022 година.
