1. септември 2025
Centar.mk – Вести, бизнис, забава, спорт…
фото Centar.mk
БИЗНИСвест

СДСМ: Во време на криза сите институции и буџетски корисници да ги намалат трошоците

Владата предводена од СДСМ продолжува со мерки и политики за одговорно управување со финансиите во време на глобална и економска и енергетска криза, известуваат од страна на владејачката партија.

Појаснуваат дека за таа цел, вчера, на седница на Владата беа донесени конкретни мерки и одлуки, кои се однесуваат на сите буџетски корисници.

Според одлуките, како што стои во писмената информација до 21 март (понеделник), сите буџетски корисници се задолжени да ги намалат расходите за стоки и услуги за 10 отсто и за тоа да достават предлог за рационализација на трошоците до Министерството за финансии.

„Забрането е почнување нови постапки за набавка на мебел и возила, освен за неопходните активности за работењето на институцијата и по претходна согласност од Владата. Буџетските корисници задолжително треба за 50 % да ги намалат расходите за репрезентација, спонзорства и реклами, како и користење на службените возила, да го намалат бројот на службени патувања, а акционерските друштва во државна сопственост да ги намалат тековните расходи за 15 отсто. Со кратење на овие расходи, ќе се покаже одговорност, но и ќе се ослободат дополнителни средства, кои ќе се насочат во мерки за помош на граѓаните“, пишуваат од СДСМ.

И во време на глобална криза СДСМ преку институциите што ги предводи презема мерки за заштита на стандардот на граѓаните и помош и поддршка на домашната економија, потенцираат од партијата на власт.

Можеби ќе ве интересира

Курсна листа за 28.08.2025

ДЕСК

Септемвриското покачување на пензиите: 1.000 денари за сите – дали ќе значи подобар живот?

ДЕСК

Кочоска: Македонија е единствена земја која не е членка на Европската унија, a потпиша Меморандум за соработка за развој на пазарите на капитал заедно со уште седум земји членки на ЕУ

ДЕСК