Centar.mk
БИЗНИСвестТЕМА

„Шлаканица“ за Москва од Версај: ЕУ сака што поскоро да ја прекине зависноста од Русија

Лидерите на ЕУ денеска во Версај потпишаа Декларација со која се потврдува договорот за што поскоро ставање крај на зависноста од увоз на руски гас, нафта и јаглен.

Ова преку намалување на зависноста од фосилни горива, диверзификација на залихите, вклучително и употреба на течен природен гас и развој на пазари на биогас и водород за Европа.

Во „Версајската декларација“ се повикува на забрзување на развојот на обновливите извори на енергија, подобрување на меѓусебното поврзување на европските мрежи за гас и електрична енергија, зајакнување на планирањето за снабдување во итни случаи, како и подобрување на енергетската ефикасност.

Земјите-членки на ЕУ ветија дека ќе продолжат да работат на обезбедување доволно нивоа на складиран гас и воспоставување координирани операции за полнење, оптимизирање на функционирањето на пазарот на електрична енергија, директни инвестиции во енергетски системи и подобрување на енергетското поврзување со непосредните соседи.

Лидерите на ЕУ ја повикаа Европската комисија да претстави план до крајот на март за да обезбеди сигурност во снабдувањето и достапни цени на енергијата во текот на следната зимска сезона.

Можеби ќе ве интересира

НАРОДНАТА БАНКА ЈА ОБЈАВИ КУРСНАТА ЛИСТА ЗА 21 НОЕМВРИ – Еве колку вредат еврото, доларот и фунтата

ДЕСК

ПОЗНАТО Е КОГА ТРГНУВА ИСПЛАТАТА НА НОЕМВРИСКИТЕ ПЕНЗИИ – Дел од македонските банки ги исплаќаат предвреме

ДЕСК

МОЖНО ОГРАНИЧУВАЊЕ НА ТРГОВСКИТЕ МАРЖИ – Дурмиши не ја исклучува мерката за основните производи

ДЕСК