„Буџетот за 2022 година беше планиран со намалени трошоци за 8 проценти. Трошењата за мебел, автомобили и други непродуктивни трошоци се на минимум. Предвидени се програми во рамки на буџетот кои се наменети како резерви за покривање на недостатоците и високите цени на електрична енергија“ изјави премиерот Димитар Ковачевски во „24 анализа“ на ТВ24.
Тој додаде дека ова е најголемата криза што ја зафатила Европа по Втората светска војна и дека никој не може да предвиди до каде ќе оди.
„Цената на нафтата во последните пет дена расте по 100 долари дневно. Ние сме земја што 100 отсто увезува нафта и нафтени деривати и очекувам дека цената ќе продолжи да расте“ рече Ковачевски.
Тој објасни дека буџетот ги предвидува сите давачки и задолжувања и дека сите дополнителни трошења сега се во рамките на предвидениот план.
