Мартин Протуѓер алтернативна осуда 2 години затвор а нема да се извси доколу не го повтори делото за 5 години , Миле Јанакиески 4г и 6 месеци, Катерина Веловска условна 2 години , Гордана Јанкулоска 2г и 6 месеци , Мунир Пепиќ 1 година , Билјана Бришковска-Бошкоски условна 2години, Кирил Тодоровски условна казна и Коста Митроски 3 години – се казните за дело за кое признаа вина и од судот побараа, при изрекувањето на пресудата, да ги има предвид сите олеснителни околности, особено доблеста што ја признаа вината за сторените дејствија.
Претходно, обвинителката Лиле Стефанова пред судот ги претстави олеснителните и отежителните околности и посочи на ублажување и условување на казните.
Случајот „Титаник“ го води судијата Осман Шабани, додека, обвинението го застапува обвинителката Лиле Стефанова.
Освен поранешниот премиер Никола Груевски кој е во бегство, и обвинетите кои признаа вина, во „Титаник“ обвинети се и Кирил Божиновски, Илија Димовски, Едмонд Темелко, Леко Ристоски, Станко Коруновски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.
Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.
Судењето за останатите обвинети во случајот кои не се чувствуваат виновни продолжува на 9 март.
