„Наше е барањето да имаме сеопфатен документ со кој ќе се затвори прашањето со Бугарија еднаш-засекогаш. За да нема постојано појавување на нови барања и нови позиции, туку сите елементи важни за нас и елементите и барањата на Бугарија да се врзат на еден документ со меѓусебно и временски зависни елементи“ кажа министерот за надворешни работи Бујар Османи во „Топ тема“ на Телма.
Тој додаде дека ваквиот сеопфатен протокол не е поместување од нашата позиција, туку зацврстување на истата со гаранции дека нема да има нови барања од бугарската страна.
„Ние се движиме во рамките на државните позиции и изгласаната Резолуција во Собранието. Иако минатата година имавме потешкотии поради изборите и немањето влада во Бугарија, сепак не беше изгубена година. Се разјаснија позициите“ изјави Османи.
Министерот додаде дека доколку еден проблем можете да го напишете на хартија тогаш половина е решен и додаде дека доколку се дефинира проблемот со Бугарија, многу полесно може да се реши.
ПОПУЛАРНО НА ИНТЕРНЕТ...
